Systkinasmiðja Umhyggju

Helgina 3.- 4. desember verður á vegum Umhyggju haldið framhaldsnámskeið Systkinasmiðjunnar í Reykjavík fyrir þá krakka á aldrinum 8-14 ára sem hafa komið áður í Systkinasmiðju.

Búið er að opna fyrir skráningu, en það eru 12 laus pláss. Smiðjan verður haldin á Háaleitisbraut 13, 4.hæð milli kl.10 og 12 laugardaginn 3. des og sunnudaginn 4. des.

 https://www.umhyggja.is/is/frettir/systkinasmidjan-framhald-helgina-3-4-desember

Hlekkur á skráningu er í fréttinni.

Lesa meira

Mánudagur 12/12 kl 19,30 opið hús, jóla dagskrá

Mánudagur 9/1 2023 kl 19,30 opið hús, fræðsla og umræður, sérstaklega ætlað foreldrum barna með flogaveiki

Lesa meira

Reykjavík Dance Festival fagnar í ár 20 ára starfsafmæli sínu og því viljum við, ásamt vinum okkar í Lókal Performance Festival, bjóða ykkur í fimm daga partý.

Það gleður okkur að veita ykkar félagi 30% afslátt af miðagjaldi með að nota kóðann: STUDENTS2022

Kynnið ykkur dagskránna og bókið miða hér.

„Fjölbreytileiki er að fá boð í teiti, inngilding er að vera boðið upp í dans." - Vernā Myers

Undanfarið hefur mjög þörf umræða átt sér stað um inngildingu í sviðslistum á Íslandi, eða skort á henni. RDF hefur í gegnum árin lagt áherslu á fjölbreytileika og inngildingu, bæði með listafólkinu sem sýnir á hátíðinni og þeirra samfélaga sem hún nær til, og mun halda því áfram. En það fylgir því mikið vald að velja hver fær að sjást og hver ekki. Við viljum halda samtalinu áfram og vera aðgengileg hátíð sem er vettvangur ólíkra líkama, radda og birtingarmynda.

Með innblæstri frá orðum Vernā Myers, bjóðum við öllum upp í dans í afmælisveislunni okkar sem er full af sýningum, tónleikum, reifum, vinnustofum, fyrirlestrum, gönguferðum og samveru!

Lifi dansinn!

Lesa meira

Nú hefur verið opnað fyrir skráningu á Systkinasmiðju á Egilsstöðum helgina 26.-27. nóvember, sjá https://www.umhyggja.is/is/frettir/frettir-allt/systkinasmidja-a-egilsstodum-skraning-hafin

Lesa meira
Tilnefningar óskast
Akranes- Notendaráð: Vantar einn aðalfulltrúa og tvo varafulltrúa
Miðað er við að þeir sem tilnefndir eru, búi á viðkomandi svæði og séu notendur þjónustu sveitarfélagsins.
Eftirfarandi er úr lögunum og um notendaráð og hlutverk þess.
Notendaráð
Hvert sveitarfélag eða þjónustusvæði skal setja á laggirnar notendaráð skipað notendum þjónustunnar. Áhersla er lögð á samráð og samvinnu og ekki síst virka þátttöku fatlaðs fólks í öllu er snýr að þeirra málefnum og tekur mið af hugmyndafræðinni um sjálfstætt líf og að allt fatlað fólk geti átt möguleika að taka eigin ákvarðanir, óháð eðli og alvarleika skerðingar og að allir eigi rétt á að hafa stjórn á eigin lífi og taka fullan þátt á öllum sviðum þess. Leitast skal við að notendaráð sé skipað fulltrúum með ólíkar skerðingar þar sem þeir geta þurft að fjalla um og taka afstöðu til málefna er varða notendur með ólíkar þjónustuþarfir.
Fulltrúar hagsmunasamtaka fatlaðs fólks sem skipaðir eru í samráðshóp samkvæmt 42. gr. laga um félagsþjónustu sveitarfélaga og eru ekki sjálfir notendur þjónustu á grundvelli laga um þjónustu við fatlað fólk með langvarandi stuðningsþarfir geta ekki verið skipaðir í notendaráð í skilningi laganna.
3
Hlutverk notendaráða
Notendaráð er ráðgefandi fyrir sveitarfélag eða þjónustusvæði varðandi stefnumörkun og áætlanagerð er varða meðlimi þeirra. Jafnframt getur notendaráð tekið upp mál að eigin frumkvæði. Notendaráð geta veitt umsagnir um umsóknir um starfsleyfi þeirra sem hyggjast veita þjónustu samkvæmt lögum um þjónustu við fatlað fólk með langvarandi stuðningsþarfir og lögum um félagsþjónustu sveitarfélaga. Í lögum um þjónustu við fatlað fólk með langvarandi stuðningsþarfir eru ákvæði í 7. gr., 8. gr. og 11. gr. þar sem umsagnar eða aðkomu notendaráða gæti verið óskað.
Ef þú býrð á Akranesi og hefur áhuga á að taka þátt í þessu starfi, sendu þá póst á lauf@vortex.is með upplýsingum um sjálfa/n þig.
Lesa meira

Opið hús 7.nóvember

Opið hús hjá LAUF mánudaginn 7.nóv, eftir viku, kl 19,30-21.

Sigurður Hólmar Jóhannesson, faðir stúlku sem greind er með sjaldgæfan taugasjúkdóm, AHC, en eitt af einkennunum er flogaveiki kemur til okkar og kynnir hvernig CBD olía getur hugsanlega fækkað flogaköstum.

Umræður og fyrirspurnir.

Kaffi, gos og nammi.

Vonumst til að sjá sem flest.
Lesa meira

Síðasta laugardagsgangan í bili verður farin laugardaginn 29.okt kl 10, göngum um Grasagarðinn í Laugardal.

Lagt af stað kl 10, hittumst við Fyssu, vatnslistaverkið við innganginn.

Lesa meira

Dagskráin framundan

Laugardagur 29/10, kl 10, Gönguferð með Heiðrúnu í Grasagarðinum í Laugardal

Mánudagur 7/11 kl 19,30 opið hús, Siggi Jóhannsson segir frá reynslu sinni af notkun CBD olíu við einkennum taugasjúkdóma, umræður

Mánudagur 5/12 kl 19,30 opið hús, jóla dagskrá

Mánudagur 9/1 2023 kl 19,30 opið hús, fræðsla og umræður, sérstaklega ætlað foreldrum barna með flogaveiki

Lesa meira

Kærar þakkir til ykkar sem gátuð mætt á umferðarþingið um daginn. Fyrir þau ykkar sem gátuð ekki mætt voru erindin tekin upp og eru nú komin á netið ásamt þeim slæðum sem fyrirlesarar höfðu uppi á skjá. Upptökur og slæður einstakra erinda má finna á vefnum www.samgongustofa.is/umferdarthing. Einnig má finna spilunarlista á Youtube hér: https://www.youtube.com/watch?v=AfhsB7WdiyI&list=PL3prAqz9YEX4kVfDE8FNuQrt2Vb57NhEK&index=1 þar sem byrjað er á stuttu yfirlitsmyndbandi frá umferðarþingi og í kjölfarið koma svo erindin hvert á fætur öðru í réttri röð.

Lesa meira

Eldri fréttir