AÐALFUNDUR LAUF- FÉLAGS FLOGAVEIKRA og Æskulýðs- og fræðslusjóðs LAUF, sem halda átti í apríl s.l. en var frestað vegna covid

verður haldinn mánudaginn 14.júní 2021 kl.17,30

Í húsnæði félagsins að Hátúni 10.

Á dagskrá eru venjuleg aðalfundarstörf skv lögum félagsins.

Stjórn hvetur félagsmenn til að fjölmenna.

Stjórnin.

Lesa meira

STÓRA RANNSÓKNARKÖNNUNIN

Við þurfum á ykkar hjálp að halda !

Nú þurfum við hjá LAUF og ÖBí á ykkar hjálp að halda. Við biðjum ykkur að taka þátt í stuttri skoðanakönnun um fjárhagsstöðu, heilsu, líðan og vinnumarkað. Það tekur stuttan tíma og allir sem svara komast í pott og geta unnið 30.000 króna gjafakort.

Könnunin er gerð fyrir Öryrkjabandalag Íslands og sér Varða – rannsóknastofnun vinnumarkaðarins um framkvæmd hennar. Könnunin er mikilvægur liður í upplýsingaöflun Öryrkjabandalagsins til að meta stöðu öryrkja, örorkustyrktaka og endurhæfingarlífeyristaka. Niðurstöður hennar munu hjálpa okkur við að greina hvaða erfiðleika hópurinn glímir við. Þessi könnun er samskonar þeirri sem Varða gerði meðal félagsmenn stéttarfélaganna fyrr í vor og vakti mikla athygli.

Það tekur um 15 mínútur að svara könnuninni. Spurt er um húsnæði, fjárhagsstöðu, fátækt, líðan, heilsufar, heilbrigðisþjónustu og vinnumarkað.

Framkvæmd könnunarinnar er alfarið í höndum Vörðu, sem sá um hönnun spurninga, uppsetningu, framkvæmd og mun sjá um úrvinnslu á niðurstöðum.

  • Könnunin verður opin í tvær vikur og hægt er að svara henni í snjallsíma, spjaldtölvu eða í tölvu.
  • Könnunin er á tveimur tungumálum, íslensku og ensku.
  • Þrír þátttakendur vinna 30.000 kr. gjafakort fyrir þátttökuna.
  • Könnunin opnar þriðjudaginn 25. maí og verður lokað þriðjudaginn 8. júní.

Hér er hlekkur á könnunina á íslensku: https://www.research.net/r/oryrkjabandalag

Hér er hlekkur á könnunina á ensku: https://www.research.net/r/oryrkjabandalag?lang=en

Það er einnig hægt að skipta um tungumál efst í horninu hægra megin þegar fólk er komið inn í könnunina.

Við hvetjum alla öryrkja, örorkustyrktaka og endurhæfingarlífeyristaka til að taka þátt í könnuninni,

enda afar mikilvægt að fá sjónarmið sem flestra til að niðurstöðurnar nýtist sem best

við að móta og styðja við kröfur Öryrkjabandalags Íslands.  

Stjórn LAUFs

Lesa meira

Fyrir hönd SÍBS og Vesens og vergangs vek ég athygli á því að nú er að hefjast ókeypis gönguáskorun á höfuðborgarsvæðinu.

Markmiðið með er að styðja fólk í að gera göngur að daglegri venju, efla líkamlegan og andlegan styrk og kynnast skemmtilegu fólki. Áhersla er lögð á að koma til móts við þarfir þeirra sem hafa lítið gengið eða hafa af einhverjum ástæðu ekki náð að hreyfa sig reglulega.

Boðið verður upp á fjórar göngur þessu sinni en sú fyrsta er á dagskrá fimmtudaginn 3. júní klukkan 17:30. Lagt verður upp frá bílastæðinu við Vífilsstaði og gengin um 4 km leið. Hinar göngurnar verða farnar dagana 10. 16. og 24. júní og hefjast einnig klukkan 17:30.

Skráning er nauðsynleg sökum fjöldatakmarkanna sem miðast við 150 þátttakendur. Stofnaður verður viðburður á Facebook fyrir hverja göngu, þar sem skráning fer fram. Viðburðir fyrir allar göngurnar eru aðgengilegir á facebooksíðum SÍBS og verða settir í loftið sex dögum fyrir göngu.

Lesa meira
Förum nú aftur af stað með mánaðarlegu opnu húsin okkar.
Fyrsta mánudag í hverjum mánuði kl 19,30-21 í húsnæði félagsins að Hátúni 10 Rvk
Lesa meira
Við hittumst fyrir framan Árbæjarlaug og göngum saman niður í Elliðárdal. Mæting 17:00
Vegalengd: ca 5 km.
Uppsöfnuð hækkun: 70-100 m.
Göngutími: 1,5-2 klst.
Undirlag
Við göngum að mestu leyti á sléttum stígum, malarstígum og gætum farið um þröngu skógarstígana.
Veðurspáin lítur vel út, skýjað en milt veður. Ef áhugi er hjá hópnum gætum við endað gönguna á því að fara í heita pottinn í Árbæjarlaug. Allir velkomnir!
Lesa meira
Vekjum athygli ykkar á málþingi sem kjarahópur ÖBÍ stendur fyrir þann 26. maí næstkomandi undir yfirskriftinni: Heimsmet í skerðingum.
Málþingið verður frá 13:00 til 16:00 á zoom.
Á málþinginu mun Stefán Ólafsson prófessor og sérfræðingur hjá Eflingu-stéttarfélagi kynna nýja skýrslu um kjör lífeyrisþega, en hann hefur unnið að stórri úttekt á lífeyriskerfinu um nokkurt skeið.
Fulltrúum stjórnmálaflokkanna hefur verið boðið að sitja fyrir svörum í pallborði um kjör öryrkja.
Hérna finnið þið viðburðinn á facebook: https://www.facebook.com/events/259170919057164?ref=newsfeed og þar er zoom-slóðin fyrir málþingið.
Lesa meira

Við hittumst á bílastæði við Vífilsstaðalæk þar sem hann rennur úr Vífilsstaðavatni. Hægt er að leggja bílum þar, en einnig fyrir ofan skammt frá "garðskálanum" við Vífilsstaðavatn. Við leggjum af stað kl. 17:00.
Þaðan göngum við meðfram vatninu inn í krikann og þaðan upp aflíðandi hlíðina, meðfram Grunnuvötnum og niður sunnan megin til móts við Oddfellow golfvöllinn. Göngum svo meðfram Vífilsstaðahlíðinni þangað til við komum aftur á upphafsstað.
Vegalengd: ca 6 km.
Uppsöfnuð hækkun: 70-100 m.
Göngutími: 2 klst.
Veður og útbúnaður
Spáin gerir ráð fyrir sólskyni, hægviðri ca 4m/sek, úrkomulausu og 9°C.
Undirlag
Við göngum að mestu leyti á sléttum stígum, malarstígum og gætum farið um þröngu skógarstígana. 

Allir velkomnir!

Lesa meira

LAUF hefur skipulagt göngunámskeið þar sem við munum hittast og ganga saman og í leiðinni fá fróðleik um náttúru og umhverfi. Námskeiðið verður alla þriðjudaga í maí kl. 17.
Umsjón með námskeiðinu hafa Einar Skúlason og Guðný Ragnarsdóttir hjúkrunarfræðingur.

Næsta ganga verður þriðjudaginn 11.maí

Mæting kl.16,55 við Reynisvatn í Grafarholti.

Þriðjudagsgangan er að þessu sinni við Reynisvatn í Grafarholti og um hina fallegu Reynisvatnsheiði. Þar leynast margir kræklóttir og ævintýralegir stígar á milli birkis sem er að vakna og hinna sígrænu grenitrjáa. Vegalengd er ca 5 km og hækkun samtals liðlega 100 m. Gera má ráð fyrir 90-120 mín göngu með stoppum. Gott að taka vökva á brúsa og nasl (td. hnetur, rúsínur, súkkulaði)
Við hittumst á bílastæði við Reynisvatnið. Farið inn á Google maps og leitið að Reynisvatni og finnið þannig leiðina á staðinn.
Mæting er kl. 16,55 og við göngum af stað upp úr kl. 17. Allir velkomnir. Síðasta þriðjudag fengum við mjög gott veður og veðurspáin lítur einnig vel út núna.
Lesa meira

LAUF hefur skipulagt göngunámskeið þar sem við munum hittast og ganga saman og í leiðinni fá fróðleik um náttúru og umhverfi. Námskeiðið verður alla þriðjudaga í maí kl. 17.
Umsjón með námskeiðinu hafa Einar Skúlason og Guðný Ragnarsdóttir hjúkrunarfræðingur.

Fyrsta gangan verður þriðjudaginn 4.maí.


Gengið verður meðfram Rauðavatni og inn á Hólmsheiði. Þessi fyrsta ganga verður eins konar mælikvarði á hópinn, þá sjáum við betur hvernig við getum hagað næstu göngum og áttum okkur á þörfum hópsins. Við reynum að halda jöfnum hraða og stoppa öðru hvoru og jafnvel benda á athyglisverða staði í umhverfinu. Á þessum tíma er gaman að vera vakandi fyrir merkjum um sumarið bæði í gróðri og meðal fuglanna.
Mæting er á bílastæðið framan við prentsmiðju Morgunblaðsins í Hádegismóum. Gott er að vera komin kl. 16:55 svo að við séum tilbúin til brottfarar kl. 17.
Vegalengd:
4-7 km
uppsöfnuð hækkun á bilinu 30-100 m.
Aðstæður og útbúnaður:
Við munum fylgja stígum alla leið og yfirleitt eru þeir í góðu lagi, en á þessum tíma á vorin getur þó alltaf verið bleyta og drulla á stöku stað. Það er hægt að vera í gönguskóm, utanvegahlaupaskóm og hlaupaskóm. Ekki er mælt með því að vera á sléttbotna strigaskóm.
Fylgist með veðurspá á undan og verið klædd samkvæmt því. Gott er að vera með vatnsbrúsa og fá sér sopa öðru hvoru og hnetur, þurrkaða ávexti eða smávegis súkkulaði til að stinga upp í sig ef blóðsykurinn fer að lækka. Göngustafir eru valkvæðir.
Lesa meira

Eldri fréttir