LAUF

Opna húsið s.l. mánudagskvöld tókst með miklum ágætum. Góð mæting og allir glaðir og ánægðir. Thelma og Helga, stjórnarkonur, fá sérstakar þakkir fyrir hetjulega frammistöðu við vöfflubaksturinn. Ekki ólíklegt að við bara endurtökum þetta fljótlega.

Við bjóðum félagsmönnum og öðrum áhugasömum í opið hús á skrifstofu félagsins. Tvær stjórnarkonur, þær Helga og Thelma, ætla að standa við járnin og baka vöfflur með kaffinu. Engin formleg dagskrá verður heldur ætlum við bara að hittast, kynnast, spjalla saman, fá okkur kaffi og með því og þið getið séð aðstöðu félagsins.

Skrifstofan er staðsett að Hátúni 10b, húsi Öryrkjabandalagsins. Á húsinu er þrír turnar og erum við í þeim sem næstur er Kringlumýrarbrautinni, þar uppi á níundu og efstu hæðinni.

Opna húsið verður haldið mánudagskvöldið 30.janúar næstkomandi kl. 20-22.

Vonumst til að fá sem flesta gesti.

Skrifstofa LAUF verður lokuð yfir jól og áramót. Fyrsti opnunardagur á nýju ári verður mánudagurinn 9. janúar 2012, og þá opnum við kl.9 að venju. Óskum öllum félagsmönnum, fjölskyldum þeirra og öðrum velunnurum okkar gleði á jólum og gæfu á nýju ári um leið og við þökkum allt gott á árinu sem er að líða.

Jæja, eftir talsvert langa mæðu og þó nokkra byrjunarörðugleika er nú loks komið nothæft myndagallerí hér á heimasíðuna. Búið er að setja inn slatta af myndum og fleiri á leiðinni. Ef félagsmenn eða aðrir velunnarar luma á myndum frá viðburðum á vegum félagsins, endilega senda okkur í tölvupóst,  lauf@vortex.is  .

Laugardaginn 3. desember s.l. héldum við hjá LAUF okkar árlega jólafund. Fengum ljúfa jólahugvekju frá Guðrúnu Kr Þórsdóttur, djákna hjá ÖBÍ - síðan fagran jólasöng frá systkinunum Þórönnu og Elmari Jónsbörnum frá Keflavík. Við nutum svo frábærra veitinga frá Bakarameistaranum og spjölluðum og höfðum það huggulegt. Í lokin birtist svo góður gestur, en það var hann Giljagaur sem kom og söng og gantaðist við börnin. Allt gaman og gott og allir fóru glaðir og ánægðir í hjarta til síns heima á eftir.

Þann 21. nóv s.l. héldum við hjá LAUF fræðslufund með nokkuð nýju sniði. Vaninn hefur verið að fá fagfólk utan að til að flytja okkur fyrirlestur um hin ýmsu málefni, sem er auðvitað mjög gott. En nú ákváðum við að prófa eitthvað nýtt. Yfirskrift fundarins var "Daglegt líf með flogaveiki". Þrjár frábærar konur úr félaginu okkar tóku að sér að hefja fundinn með því að segja stuttlega frá sjálfum sér og sinni glímu við flogaveiki og hvernig þær hafa náð að aðlaga tilveru sína að þessum fylgifiski. Eftir að þær luku máli sínu tókum við stutt veitingahlé og síðan spunnust fjörugar og fróðlegar umræður og fólk setti fram fyrirspurnir og svaraði hvert öðru. Þarna nutum við reynslu hvers annars og stuðnings af því að fá staðfest að ekkert okkar er eitt með sín viðfangsefni. Almenn ánægja var með þetta fyrirkomulag og er alveg öruggt að við munum nota þessa aðferð aftur.

Fundur um daglegt líf með flogaveiki.

Lífið með langvinnum sjúkdómi getur stundum verið flókið og erfitt. Þrjár félagskonur sem allar hafa mismunandi reynslu af lífi með flogaveiki ætla að deila með okkur reynslu sinni af því hvernig þær hafa aðlagað dagleg viðfangsefni sín að þeirri staðreynd að þær eru með flogaveiki.

Að lokinni kynningu frá konunum verður opnað fyrir fyrirspurnir og umræður. Hér ætlum við að fræðast hvert af öðru og leita stuðnings í þeirri staðreynd að ekkert okkar er eitt um reynsluna.

Fundurinn verður haldinn mánudagskvöldið 21. nóvember næstkomandi, kl. 20, í kaffistofu starfsfólks ÖBÍ á jarðhæð í Hátúni 10b.

Á aðalfundi LAUF sem haldinn var 14. maí varð sú breyting á stjórn félagsins að Ólafur Ragnarsson gekk úr stjórn og í hans stað var Helga Sigurðardóttir kjörinn í stjórnina.

Við minnum félaga í LAUF á að greiða félagsgjöldin sem fyrst og þökkum þeim sem þegar hafa greitt þau.

Breyttur opnunartími og sumarlokun

Frá og með 1. júní 2011 breytist opnunartími skrifstofunnar og verður sem hér segir:

• Mánudaga og miðvikudaga kl. 9-15.

Lokun vegna sumarleyfa verður eftirfarandi:

• Lokað verður frá og með mánudeginum 20. júní og opnað aftur mánudaginn 15. ágúst. 

Hinn 1. júní næstkomandi hefur nýr starfsmaður störf á skrifstofu LAUF. Hún heitir Fríða Bragadóttir og er 48 ára Vestfirðingur. Fríða hefur um árabil starfað á vettvangi sjúklingafélaga, lengst af fyrir Samtök sykursjúkra en einnig um tíma fyrir Parkinsonssamtökin. Hún er kennari að mennt en hefur mest starfað við bókhald og í banka. Fríða er gift kona, móðir fimm barna og amma tveggja barnabarna. Væntum við þess að félagsmenn LAUF taki vel á móti nýja starfsmanninum.

Laufblaðið 02.2010 er að koma út nú í byrjun desember