LAUF

Stuðningshópur fyrir aðstandendur

Að vera maki eða aðstandandi langveiks einstaklings, getur verið flókið og forgangsröðunin ekki alltaf eins og óskað er eftir.

Stuðningshópur er hugsaður sem vettvangur til að læra að hlúa að sjálfum sér, efla samskipti við sína nánustu og njóta þeirra möguleika sem fram undan eru.

Minnum á opna húsið í kvöld, mánudaginn 7.janúar 2019, kl.19,30-21.

Allir velkomnir!

JÓLA JÓLA JÓLA!!!
Við erum farin í jólafrí, opnum næst mánudaginn 7.janúar kl.9

Á meðan er hægt að senda skilaboð hér á facebook, eða senda okkur tölvupóst í lauf@vortex.is eða lesa skilaboð inn á símsvara í 551-4570. Skilaboð verða athuguð með nokkurra daga millibili.

MINNUM Á NÁMSKEIÐIÐ FYRIR 13-15 ÁRA, SEM HEFST 14.JANÚAR

Umhyggja hefur gert samning við KVAN um að halda sjálfstyrkingarnámskeið fyrir systkini langveikra barna og verða námskeiðin niðurgreidd að langstærstum hluta af Umhyggju. Um er að ræða 8 vikna námskeið, 2,5 tíma í senn, og er hópunum skipt í 10-12 ára og 13-15 ára. Fyrra námskeiðið, fyrir 10-12 ára, fer af stað 21. nóvember og verður kennt á milli kl.16 og 18.30. Það síðara, ætlað 13-15 ára, fer svo af stað 14. janúar og er kennt milli 18.30 og 21.

Hér eru tveir hlekkir inn á skráningarsíður þar sem einnig koma fram allar helstu upplýsingar um námskeiðið.

https://kvan.is/product/sjalfsstyrkingarnamskeid-umhyggju-og-kvan- (10-12 ára)

https://kvan.is/product/sjalfsstyrkingarnamskeid-umhyggju-og-kvan-fyrir-13-15-ara-hefst-14januar (13-15 ára)

Þórður Vilberg Oddsson hefur gefið út ljóðabókina "Tækifæri", en allur hagnaður af útgáfu og sölu bókarinnar fer til styrktar LAUF-félagi flogaveikra.

Bókin er til sölu hjá Þórði sjálfum, torduro@simnet.is , og á skrifstofu LAUF, lauf@vortex.is .

Bókin kostar kr.2.900,-

Heil og sæl

Ákveðið hefur verið að fresta fyrirhuguðu fræðslukvöldi stuðningsfulltrúa og aðildarfélaga Stuðningsnets sjúklingafélaganna sem átti að vera 13. desember kl. 17 í Síðumúla 6 þar sem Helga umsjónaraðili Stuðningsnetsins er að jafna sig eftir aðgerð. Við munum senda ykkur nýja tímasetningu um leið og hún liggur fyrir.

Óskum ykkur gleðilegra jóla. 🎅

Minnum á opna húsið í kvöld, kl.19,30-21.

Eins og alltaf fyrsta mánudag í hverjum mánuði allan ársins hring, þá er opið hús hjá LAUF í kvöld mánudaginn 3.des, komum saman og eigum létt spjall.

Vegna veikinda Helgu Kolbeinsdóttur umsjónaraðila Stuðningsnetsins er námskeiði fyrir stuðningsfulltrúa sem halda átti mánudaginn 3. og miðvikudaginn 5. desember frestað. Baráttu og batakveðjur til Helgu sem er að fara í erfiða aðgerð í dag eða á morgun. 💌

Við munum senda ykkur nýja tímasetningu þegar hún liggur fyrir.

Kær kveðja frá stjórn

Fríða, Sirrý og Stefanía 

JÓLAFUNDUR LAUF 2018

Okkar árlegi og stórskemmtilegi jólafundur verður haldinn fimmtudagskvöldið 29.nóvember kl.20, í Hásal í Hátúni 10a (sama stað og í fyrra).

Dagskráin verður hefðbundin:

Einar Þór Jónsson, diplóma í jákvæðri sálfræði, flytur hugvekju

Gerður Kristný les úr nýútkominni bók sinni

Söngspírurnar flytja jólatónlist

Jólakaffiveitingar

Eins og nokkur fyrri ár er fundurinn haldinn í samvinnu við Samtök sykursjúkra.

Við hvetjum félagsmenn til að fjölmenn og taka með sér fjölskyldu og vini.

         Reykjavík, 25. nóvember 2018

Umhyggja – félag langveikra barna vekur athygli á því, að foreldrar langveikra og fatlaðra barna sem þiggja foreldragreiðslur samkvæmt lögum nr.22/2006 hafa enn ekki fengið vilyrði fyrir desemberuppbót líkt og aðrir hópar sem þurfa á fjárhagsaðstoð að halda frá ríki og sveitarfélögum.

Umhyggja vekur athygli á að markmið laga nr.22/2006 um greiðslur til foreldra langveikra og alvarlega veikra barna er að tryggja foreldrum fjárhagsaðstoð þegar þeir geta hvorki stundað nám né unnið vegna sérstakrar umönnunar barna sinna. Greiðslurnar eru tekjutengdar í allt að 6 mánuði, en að því loknu er um grunngreiðslur að ræða sem eru sambærilegar við kjör öryrkja. Dæmi eru um að foreldrar séu á grunngreiðslum í fjölda ára vegna þungrar umönnunar barna sinna.

Enn fremur bendir Umhyggja á að þegar hefur verið samþykkt að umsækjendur um alþjóðlega vernd fái desemberuppbót í ár. Dæmi eru um að aldraðir og öryrkjar fái desemberuppbót, t.d. í samræmi við reglugerð nr.490/2017 um eingreiðslur lífeyrisþega, atvinnuleitendur hafa fengið slíka uppbót t.d. í samræmi við reglugerð nr.945/2017 og dæmi eru um að að einstaklingar sem þiggja fjárhagsaðstoð frá sveitarfélögum fái desemberuppbót sbr.reglur um fjárhagsaðstoð frá Reykjavíkurborg. Þess ber að geta að í fyrra fengu foreldrar á foreldragreiðslum í fyrsta skipti desemberuppbót í kjölfar áskorunar frá Umhyggju til stjórnvalda og fjölmiðlaumfjöllunar þar að lútandi.

Það er mat Umhyggju að foreldrar langveikra og fatlaðra barna sem hvorki geta né mega vinna eða stunda nám vegna umönnunar barna sinna, og þiggja foreldragreiðslur, standi síst betur að vígi en áðurnefndir hópar og eins hefur staða þeirra ekki skánað frá því í fyrra. Vegur þar þungt langvarandi fjarvera af vinnumarkaði og framfærsla annarra barna, auk þess sem Tryggingastofnun túlkar lögin á þann veg að foreldrum sem þiggja áðurnefndar grunngreiðslur sé hvorki heimilt að vinna né stunda nám samhliða þeim. Þá ber að geta þess að frítekjumark grunngreiðslanna er kr.77.688 á mánuði.

Samkvæmt staðtölum Trygginarstofnunar fyrir 2016 (sjá töflu 1.3 á slóðinni https://www.tr.is/tryggingastofnun/tryggingastofnun_i_tolum/stadtolur/toflur-fyrir-arid-2015/) eru u.þ.b. 25 til 38 foreldrar á foreldragreiðslum í desember á ári hverju. Því má reikna með að kostnaður vegna desemberuppbótar til þessa hóps væri um 1,3 til 2,0 milljónir á ári.

Umhyggja skorar því á yfirvöld að greiða foreldrum á foreldragreiðslum desemberuppbót árið 2018 og veita þannig fjölskyldum alvarlega veikra og fatlaðra barna betri tækifæri til að mæta þeim útgjöldum sem hátíðirnar hafa í för með sér. Umhyggja skorar enn fremur á yfirvöld að búa svo um hnúta að desemberuppbót til þessa fámenna en viðkvæma hóps verði héreftir reglan frekar en undantekningin svo ekki þurfi að taka slaginn árlega.

Fyrir hönd stjórnar Umhyggju,

Regína Lilja Magnúsdóttir 

Skrifstofa LAUF er opin mánudaga og miðvikudaga kl.9-15.

EN - skrifstofan verður lokuð miðvikudaginn 21.nóv og mánudaginn 26.nóv.

Eftir áratuga kveðskap hefur Þórður Vilberg Oddsson nú loksins gefið út ljóðabókina "Tækifæri".
Hún inniheldur brot af ljóðum og vísum sem hann hefur sett saman síðustu 25 árin.
Þórður býður bókina til sölu á 2.900 krónur, en allur hagnaður af útgáfu og sölu bókarinnar rennur til LAUF, Félags flogaveikra.
Hann getur bókina án kostnaðar til þín í pósti ef þörf er á. Tilvalin jólagjöf eða bara með pakkanum.
Ef þú hefur áhuga, endilega sendu honum línu á netfangið torduro@simnet.is (ekki með h).