Fulltrúar frá LAUF verða með fræðslu um flogaveiki í Egilsstaðaskóla miðvikudaginn 11.sept

1. Kl. 15-16,30: Fræðslufundur fyrir starfsfólk skóla, leikskóla, frístundaheimila, íþróttafélaga, sambýla, félagsþjónustu og annarra stofnana og fyrirtækja sem þjónusta íbúa svæðisins.

2. Kl. 16,30-17,30: Opið hús fyrir almenning; fólk með flogaveiki, aðstandendur og allt áhugafólk. Fulltrúar félagsins verða til viðtals.

Lesa meira

Opið hús 2.sept

Á opna húsinu þann 2.sept næstkomandi ætlum við að vera í salnum okkar í Hátúni 10 og Guðrún Ósk Maríasdóttir, næringarfræðingur, ætlar að ræða við okkur um mat, mataræði og mikilvægi góðrar næringar. Kaffiveitingar

kl. 19,30-21

Félagsmenn fjölmennið og takið með ykkur gesti

Kv. Stjórnin

Lesa meira

Ráðgjafaviðtöl

Gunnhildur Axelsdóttir, fjölskylduráðgjafi, hefur aftur hafið störf eftir sumarfrí.

Allir sem eru félagsmenn hjá LAUFinu geta fengið ráðgjafarviðtöl fyrir sig og sína aðstandendur hjá Gunnhildi, sér að kostnaðarlausu.

Hafið samband við skrifstofu LAUF, lauf@vortex.is , eða beint við Gunnhildi, gunnhildur@vinun.is , til að bóka tíma.

ATH! til þess að fá viðtalið ókeypis er nauðsynlegt að vera félagsmaður hjá LAUF.

Lesa meira

Samstarfssamningur Olís og Laufs

Kæri félagsmaður

Olís og Landssamtök áhugafólks um flogaveiki hafa gert með sér víðtækt samkomulag um útgáfu félagsskírteinis félagsmanna Laufs. Félagsskírteinið veitir afsláttarkjör algerlega óháð tegund greiðslumiðils.

Afsláttur af Eldsneyti og vörum

Olís býður gott vöruúrval fyrir þig og bílinn þinn, með því að framvísa kortinu færðu:

6 kr. í afslátt af hverjum lítra í fullri þjónustu hjá Olís

4 kr. í afslátt af hverjum lítra í sjálfsafgreiðslu hjá Olís

10 % afslátt af öllum vörum* í verslunum Olís og Ellingsen

* Afslátturinn gildir ekki af tóbaki, happdrættismiðum, símkortum, tímaritum, ferðavögnum og tilboðsvörum.

Stuðningur við Lauf

Í hvert skipti sem þú framvísar kortinu styður þú Lauf. Olís greiðir 0,5% af andvirði viðskipta þinna á sérstakan söfnunarreikning Laufs til frekari eflingar félagsins.

Óháð tegund greiðslumiðils

Kortinu verður að framvísa hjá Olís áður en til greiðslu kemur til að fá ofangreind afsláttarkjör*. Hægt er að greiða með hvaða greiðslumiðli sem er s.s kreditkortum, debetkortum, Olís-kortum eða peningum.

*Ef hópakortinu er framvísað með Olískorti þá gilda kjör hópakortsins.

Það er von okkar að þetta samstarf komi sér vel fyrir þig og þína.

Starfsfólk Olís og Laufs