LAUF

Minnum á Stuðningsnet sjúklingafélaganna. Endilega nýtið ykkur það að geta fengið jafningjastuðning undir stjórn fagfólks. Einnig vantar fólk til að bjóða sig fram sem stuðningsaðilar. Sjá nánar hér: http://studningsnet.is/

Heil og sæl,

Nú styttist í baráttudag verkalýðsins. Við stöndum saman í harðri kjarabaráttu: Baráttu fyrir hagsmunum og réttinum fatlaðs fólks. Þessi barátta fer ekki bara fram á fundum eða fyrir einstaka félaga, heldur einnig úti í samfélaginu.

Við höfum séð að þátttaka og virkni félaga og fólks um allt samfélagið er mikil á samfélagsmiðlum. Sömuleiðis er fólk duglegt að mæta í fjölmiðla og miðla af reynslu sinni.

Við þurfum að stíga viðbótarskref núna 1. maí: Mæta í kröfugönguna!

Öryrkjabandalag Íslands stendur fyrir göngu niður Laugaveg (sem verkalýðsfélögin fara fyrir). Við höfum látið útbúa kröfuspjöld, forgönguborða og útvegað regnslár ef veðurguðir verða ekki í sínu besta skapi. Það er mikilvægt að við mætum sem flest. Allir sem vettlingi geta valdið verða að mæta. Við þurfum að vera sýnileg og við þurfum að taka pláss! 1. maí er okkar dagur rétt eins og annarra. Við skulum gera hann að okkar!

Það er í mörg horn að líta. Við verðum með skemmtilegan viðburð á Lækjartorgi þegar gangan fer þar hjá. Þar vantar alltaf fólk til að létta undir eða taka að sér einföld verkefni. Eins er með gönguna. Við leitum að sjálfboðaliðum til að bera forgönguborðann, kröfuspjöldin, og fyrst og fremst mæta! Mæta svo allir sjái hvað við erum sterk og öflug heild sem stendur sameinuð í okkar mikilvægu baráttu.

Við hittumst við Hlemm uppúr klukkan eitt. Gangan fer af stað klukkan hálftvö. Svo verðum við með viðburðinn á Lækjartorgi þegar gangan kemur þangað. Þeir sem ekki komast í gönguna mega endilega koma á torgið 😊

Hér er tengill á hvatningargrein á vef ÖBÍ. https://www.obi.is/is/utgafa/frettir/verum-synileg-tokum-plass

Hér er svo tengill á viðburð um kröfugönguna 1. maí: https://www.facebook.com/events/778273255710632/

Þessu má endilega deila. Svo má líka endilega hvetja alla sem þið hittið eða heyrið í til að mæta. Svo er líka upplagt að taka upp símann og slá á góða félaga og minna á þennan mikilvæga viðburð.

Stöndum saman. Þá vinnst sigur!

Aðalfundur LAUF var haldinn s.l. mánudag, 23.apríl.
Helga Sigurðardóttir gekk úr stjórn eftir 8 ára setu, og þökkum við henni kærlega hennar framlag.
Í hennar stað kom inn í stjórnina Guðrún Ósk Maríasdóttir. Hún er móðir lítillar telpu sem hefur erfiða flogaveiki.

Stjórnin er því nú þannig skipuð: Brynhildur Arthúrsdóttir, Halldóra Alexandersdóttir, Dagrún Mjöll Ágústsdóttir, Heiðrún Kristín Guðvarðardóttir, Guðrún Ósk Maríasdóttir

Skoðunarmaður reikninga er sem fyrr Sigrún Birgisdóttir

Við bjóðum velkomna til starfa Gunnhildi Heiðu Axelsdóttur, fjölskyldufræðing, sem mun sinna fjölskylduviðtölum og ráðgjöf varðandi réttindamál. Tímapantanir í s. 551-4570 eða á netfanginu lauf@vortex.is

við hvetjum okkar fólk til að notfæra sér þessa þjónustu

Okkar árlega og vinsæla vorferð verður að þessu sinni farin laugardaginn 26.maí - og aftur í samvinnu við Samtök sykursjúkra. Farið verður á Hvolsvöll og hið nýja Lava Centre skoðað og þar munum við einnig borða saman. Einhver stopp verða á leið austur og á heimleiðinni.
Nánar auglýst síðar.
Takið daginn frá.

1. MAÍ -TAKTU DAGINN FRÁ
OG VERTU SÝNILEG/UR MEÐ OKKUR

Við stöndum í erfiðri kjarabaráttu rétt eins og launafólk almennt.

1. maí er okkar dagur eins og annarra, gleymum því ekki.

Þið öll, fatlað fólk, öryrkjar, fjölskyldur og vinir,

komið með í kröfugöngu eða verið með okkur

á Lækjartorgi 1. maí.

Það skiptir miklu máli að við verðum öll mjög sýnileg í kröfugöngu 1. maí.

Kjaramálin hljóta að vera áherslumál okkar allra

og í dag er okkar helsta baráttumál að skerðingarnar verði afnumdar

um það verður kröfuganga ÖBÍ í ár.

Ekki nægir að vera óánægður heima hjá sér, við verðum að sýna hve miklu máli þetta skiptir. Þess vegna er það mjög mikilvægt þið ljáið baráttuna krafta ykkar og verið með í henni.

Afnám skerðinga er aðeins varða á leiðinni til meiri kjarabóta.

Við erum að leggja áherslu á ímynd og ásýnd örorkulífeyrisþega, fatlaðs fólks,

sem almennra þátttakenda í samfélaginu.

Félagsmenn, jafnt sem fjölskylda og vinir. Allir velkomnir.
Stóra málið er að ná góðum hópi saman, að við verðum vel sýnileg og að okkar rödd heyrist hátt og vel.
Endilega skráðu þig núna á netfangið 1mai@obi.is
sendu inn nafn, síma og netfang

Þegar nær dregur fá þátttakendur, afhenta regnslá, en allir sem taka þátt í göngu og samstöðu á Lækjartorgi fá regnslá til að vera í þennan dag, þannig verðum við enn meira áberandi. Og það er það sem málið snýst um núna!

Verum stolt og verum sýnileg 1. maí.
Tökum pláss í samfélaginu!

SJÁUMSTJ

Þuríður Harpa Sigurðardóttir

Formaður Öryrkjabandalags Íslands

Aðalfundur LAUF

Aðalfundur LAUF verður haldinn mánudaginn 23.apríl kl.18 í fundarsal félagsins að Hátúni 10, jarðhæð.

Dagskrá:

Venjuleg aðalfundarstörf

Félagsmenn fjölmennið!

Stjórnin 

Minnum á opna húsið næsta mánudag, 9.apríl, kl.19,30-21.
Stefán E Hafsteinsson frá Öryggismiðstöðinni talar við okkur um velferðartækni.
Kaffi og konfekt.

Næsta námskeið fyrir þá sem vilja gerast stuðningsfulltrúar hjá Stuðningsnetinu verður haldið 11. og 18. apríl næstkomandi.

Sjá nánar hér: www.studningsnet.is

List án landamæra verður haldin dagana 3. til 13. maí á höfuðborgarsvæðinu og Austurlandi í ár og helgina 26. og 27. maí á Norðurlandi. Allir sem vilja af landinu öllu geta tekið þátt í hátíðinni. Hægt er að sækja um þátttöku til 9. apríl nk. og er það gert með því að fylla út form sem finna má á eftirfarandi slóð: https://goo.gl/forms/6tAdD816WKFa4n8i1

Í ár er sértök áhersla lögð á tímatengda list svo sem leiklist, gjörninga, tónlist, ljósmyndir, upplestur og vídjólist. Öll listform eru þó hjartanlega velkomin.

Minnum á opna húsið næsta mánudag, 9.apríl, kl.19,30-21.
Stefán E Hafsteinsson frá Öryggismiðstöðinni talar við okkur um velferðartækni.
Kaffi og konfekt.

Afhending árlegra styrkja heilbrigðisráðherra til félagasamtaka fór fram á Hotel Natura s.l. miðvikudag.